Ang iyong motorsiklo ay mayroong selyadong disenyo ng bateryang AGM na mas mahusay kaysa sa mga karaniwang flooded lead acid na baterya. Ang disenyong ito ng baterya ay magbibigay ng maraming taon ng maaasahang serbisyo kapag ginamit ang tamang kagamitan sa pagkakarga ng baterya at pamamaraan ng pag-iimbak. Dahil sa nakaselyo, hindi natatapong disenyo ng baterya, inirerekomenda ang isang awtomatiko at patuloy na nagmo-monitor na battery charger o tender na gumagamit ng charging rate na mas mababa sa 14.6 boltahe ay kinakailangan para maiwasan ang mga kalagayan na pag-o-overcharge na makakapagpatuyo sa mga cell ng baterya. Ang mga charger ng baterya na may hindi nagbabagong kuryente (kabilang ang mga trickle charger) ay maaaring makasira sa mga bateryang AGM.

Upang magpanatili ng full charge sa pagitan ng mga pagsakay, inirerekomenda ng Harley-Davidson ang paggamit ng opsyonal na Harley-Davidson constant monitoring battery charger o tender kapag hindi gagamitin ang iyong motorsiklo nang mahigit dalawang linggo, kasama ng pinamainam na kasanayan ng pagkakabit ng charger o tender anumang oras na hindi ginagamit ang motorsiklo. Sumangguni sa isang awtorisadong Harley-Davidson dealer para sa isang hanay ng mga pagpipiliang constant monitoring battery charger, tender at mga charging accessory. Ang mga tender ng baterya ng Harley-Davidson ay may kasamang kable na madaling maidiskonekta, na nagpapahintulot ng madaling pagkonekta para makargahan ang baterya nang may pinakakaunting pagkakalas ng motorsiklo. Ang ilang motorsiklo ay mayroong battery tender connector bilang istandard na kagamitan.

Ang kakulangan sa regular na pagkakarga ng baterya o paggamit ng mga charger na may hindi nagbabagong kuryente ay maaaring magpasawalang bisa ng garantiya ng baterya. Tingnan ang seksyon ng pagmementina ng baterya ng manwal na ito para sa higit pang impormasyon sa pagcha-charge ng baterya at mga pamamaraan ng pagtatago.