Pag-iiba ng mga Yunit ng Sukatan
Oras
Pindutin at bitawan ang TRIP switch upang magpalipat-lipat sa mga display ng odometer papunta sa display ng oras. Upang i-set ang oras:
  1. Tingnan ang Figure 1. Pindutin at bitawan ang TRIP switch (1) hanggang sa ipakita ang oras (oras at minuto). Pindutin nang matagal ang TRIP switch hanggang magsimulang kumislap ang 12h (2) sa display window ng speedometer. Bitawan ang switch.
  2. Pindutin at bitawan ang TRIP switch nang isang beses upang kumislap sa 24h o military style na display ng oras. Sa bawat pagkakataong pipindutin at bibitawan mo ang switch, magpapalipat-lipat ang display sa 12h at 24h.
  3. Kapag nakikita na ang gustong oras, pindutin nang matagal ang TRIP switch hanggang kumislap ang display ng oras (3).
  4. Paulit-ulit na pindutin at bitawan ang TRIP switch upang sumulong ang oras.
  5. Kapag ipinakikita na ang gustong oras, pindutin nang matagal ang TRIP switch hanggang kumislap ang display ng minuto (4).
  6. Paulit-ulit na pindutin at bitawan ang TRIP switch upang sumulong ang display ng minuto.
  7. Kapag ipinakikita na ang tamang minuto (5), pindutin nang matagal ang TRIP switch hanggang sa maging AM o PM (6) ang display.
    8. TALA
    Hindi nakikita ang AM o PM sa regular na display ng oras. Ginagamit ng motorsiklo ang seleksyon para sa mga layunin ng diagnostics/pagsusuri.
  8. Sa display na 12h, kikislap ang AM o PM. Piliin ang AM o PM gamit ang TRIP switch. Pindutin ang switch nang limang segundo.
  9. Ilagay sa OFF ang switch ng OFF/RUN.
1Trip switch
212 oras o 24 na oras
3Pagpili ng Oras
4Pagpili ng Minuto
5Na-set na ang oras at minuto
6AM o PM
Figure 1. Mga Display ng Oras
Mensaheng Tip
BABALA
Kapag tumaob, itsek ang lahat ng kontrol kung gumagana ito nang maayos. Ang limitadong pagkilos ng kontrol ay maaaring makaapekto sa pagganap ng mga preno, clutch o kakayahang mag-shift, na maaaring magresulta sa pagkawala ng kontrol sa sasakyan at pagkamatay o malubhang pinsala. (00350a)
Tingnan ang Figure 2. Kapag natumba ang motorsiklo, lalabas ang salitang "tIP" (1) sa window ng odometer. Hindi aandar ang makina hangga’t hindi ito inire-reset.
Upang i-reset ang Mensaheng tiP sa odometer, tingnan ang Pagpapatakbo → Pagpapaandar pagkatapos Matumba.
Mensaheng No Fob
Tingnan ang Figure 2. Kapag ang motorsiklo ay may system ng seguridad at minaneho nang hindi dala ang fob, makikita ang “NO FOB” (2) sa window ng odometer kapag nagsimula nang umandar ang motorsiklo. Makikita ito nang 10 segundo bilang paalala na kunin ang fob.
Kapag wala ang fob, mapapaandar lang ang motorsiklo sa pamamagitan ng manu-manong paglalagay ng PIN upang ihinto ang system ng seguridad. Tingnan ang SISTEMA NG SEGURIDAD → Arming (Pagpapagana) at Disarming (Hindi Pagpapagana).
Mensaheng Sidestand
Tingnan ang Figure 2. Sa mga internasyonal (HDI) na modelo, kapag ikinambiyo ang motorsiklo habang nakababa ang jiffy stand, may lalabas na mensaheng ‘SidEstAnd’ (3). Tingnan ang Bago Sumakay → Paggamit ng Jiffy Stand.
1Tip over (Natumba)
2No fob (Walang fob)
3Jiffy stand down (Nakababa ang jiffy stand)
Figure 2. tIP, NO FOB at SidEStAnd