Pag-aalis sa Takip ng Gasolina (Fuel Filler Cap)
BABALAHuwag gumamit ng takip ng gasolina na aftermarket. Ang mga fuel cap na aftermarket ay maaaring hindi sakto ang hapit at tumagas, na maaaring humantong sa kamatayan o malubhang pinsala. Bumisita sa isang dealer ng Harley-Davidson para sa mga aprubadong fuel cap. (00034a)
TALA
Ang takip ng fuel filler ay pumipihit nang tatlong quarter na ikot bago ito mag-umpisang ma-unscrew.
Tingnan ang Figure 1. Para buksan, ikutin ang takip ng fuel filler pakaliwa at iangat. Para isara, ikutin ang takip ng fuel filler pakanan hanggang mag-click ito. Ang ratchet action ng takip ay pumipigil sa labis na pagkahigpit.
Ang mga sportster na ibinibenta sa ilang bansa ay may nala-lock na takip ng gasolina.
Figure 1. Takip ng Gasolina (Fuel Filler Cap)
Pagkarga sa Tangke
BABALAHuwag itago ang motorsiklong may gasolina sa tangke sa loob ng bahay o garahe kung saan may mga bukas na apoy, mga pilot na ilaw, mga kislap ng apoy o mga de-kuryenteng motor. Ang gasolina ay napakadaling lumiyab at lubhang sumasabog, na maaaring magresulta sa kamatayan o malubhang pinsala. (00003a)
BABALAIwasan ang mga tapon. Dahan-dahang buksan ang takip ng filler ng gasolina. Huwag punuin nang lampas sa ibabaw ng bottom filler neck insert, upang magtira ng espasyong hangin para sa pag-expand ng gasolina. Siguraduhing nakasara nang maayos ang filler cap pagkatapos ng pagpapagasolina. Ang gasolina ay napakadaling lumiyab at lubhang sumasabog, na maaaring magresulta sa kamatayan o malubhang pinsala. (00028b)
PAUNAWA
Huwag magtapon ng gasolina sa motorsiklo habang nagpapagasolina. Punasan agad ang mga tagas ng gasolina sa iyong motorsiklo. Ang gasolina ay maaaring magdulot ng pinsala sa mga kosmetikong ibabaw. (00147b)
PAUNAWA
Gumamit lamang ng unleaded na gasolina sa mga catalytic converter-equipped na motorsiklo. Ang paggamit ng leaded na gasolina ay makasisira sa sistema ng kontrol ng emisyon. (00150c)
Tingnan ang Figure 2. Huwag punuin nang sobra ang tangke ng gasolina. Ipasok ang nguso ng pump sa butas ng filler. Huwag punuin ang tangke nang lampas sa ibabang bahagi ng filler neck. Ang mainit-init na makina, ang araw o matitinding temperatura ay maaaring maging sanhi upang mag-expand ang gasolina. Maaaring matapon papalabas ng tangke ang gasolina at makasira ng finish. Tingnan ang Kaligtasan Muna → Mga Panuntunan sa Ligtas na Pagpapatakbo.
Figure 2. Antas ng Gasolina sa ibaba ng Filler Neck