Kinokontrol ng hand lever ng preno sa harap (front brake hand lever) ang preno ng harap na gulong at ito ay matatagpuan sa kanang handlebar. Paganahin ang hand lever gamit ang mga daliri ng kanang kamay.

Kinokontrol ng pedal ng preno sa likod ang preno ng gulong sa likod at ito ay matatagpuan sa kanang bahagi. Paganahin ang pedal ng preno a likod gamit ang kanang paa.

Pantay na tapakan ang mga preno upang iwasang mag-lock ang mga gulong. Pantay na gamitin ang mga preno sa harap at likod para sa pinakamagandang resulta.

Tinutulungan ng opsyonal na anti-lock brake system ng Harley-Davidson ang nagmamaneho sa pagpapanatili ng kontrol kapag pumepreno sa diretsong linya sa panahon ng emerhensya. Hiwalay na gumagana ang ABS sa mga preno sa harap at likod upang panatilihing umiikot ang mga gulong at pigilan ang mga hindi makokontrol na pag-lock ng gulong sa tuyong semento o madudulas na surface gaya ng graba, dahon o kapag nagmamaneho sa mga basang kondisyon.

Sinusubaybayan ng ABS ang mga sensor sa mga gulong sa harap at likod upang matukoy ang bilis ng gulong. Kapag natukoy ng system na ang isa o parehong gulong ay bumabagal nang napakabilis, na nagpapahiwatig na malapit nang mag-lock ang mga ito, magre-react ang ABS. Kung ang bilis ng pagbabawas ng tulin ay hindi tugma sa pamantayang naka-store sa memory, magre-react din ang ABS. Mabilis na binubuksan at isinasara ng system ang mga balbula upang kontrolin ang presyon ng caliper ng preno, habang ginagamit lamang ang presyon ng lever/pedal ng preno na inilalapat ng nagmamaneho. Sa panahon ng pag-activate ng ABS, ibinibigay ng system ang electronikong katumbas ng mano-manong pagtapak sa preno. May kakayahan ang ABS na magpaulit-ulit nang hanggang pitong beses kada segundo.

Mapapansin ng nagmamaneho ang paggana ng ABS sa pamamagitan ng banayad na pagpintig o pitik na mararamdaman sa hand lever o sa pedal ng preno sa likod. Ang pagpintig o pitik ay maaari ding may kasamang tunog ng pag-click mula sa ABS module. Ang parehong ito ay resulta ng normal na paggana. Sumangguni sa Talahanayan 1.

Para sa higit pang impormasyon, bisitahin ang www.harley-davidson.com/abs.

Bagama’t pakinabang ito sa emerhensyang pagpreno, ang ABS ay hindi pamalit sa ligtas na pagmamaneho. Ang pinakaligtas na paraan upang mapahinto ang motorsiklo nang nakatayo ay ang pagdiretso ng parehong gulong.

Ang Harley-Davidson ABS ay isang manual assist system. Sa panahon ng pang-emerhensyang paghinto, patuloy na diinan ang mga preno habang gumagana ang ABS. Huwag kontrolin o “i-pump” ang mga kontrol ng preno. Hindi magla-lock ang mga gulong hanggang sa katapusan ng paghinto kapag umabot ang bilis ng motorsiklo sa humigit-kumulang 6 km/h (4 mph) at hindi na kinakailangan ang ABS.

Ang mga motorsiklong may ABS ay dapat palaging gumamit ng mga gulong at goma ng gulong ng Harley-Davidson. Sinusubaybayan ng ABS ang bilis ng pag-ikot ng mga gulong sa pamamagitan ng mga indibidwal na sensor ng bilis ng gulong. Ang pagpalit sa ibang dyametro na reweda o ibang sukat ng mga gulong ay maaaring makapagbago ng bilis ng pag-ikot. Maaari nitong maapektuhan ang pagka-calibrate ng ABS at magkaroon ng hindi magandang epekto sa kakayanan nito na tumukoy at pumigil sa di-kontraladong pag-lock ng gulong. Ang pagpapaandar ng motorsiklo sa ibang presyon ng gulong maliban sa itinakdang presyon sa Mga Ispesipikasyon → Mga Ispesipikasyon ay maaaring magpahina ng pagpreno ng ABS.