BABALA

Ang automatic-on na headlamp feature ay nagpapahintulot sa ibang motoristang mas mahusay na makita ang nagmamaneho. Siguraduhing nakabukas ang headlamp sa lahat ng oras. Kapag hindi gaanong makita ng ibang motorista ang nagmamaneho, maaari itong magresulta sa kamatayan o malubhang pinsala. (00030b)

Tingnan ang Figure 1. Kinokontrol ng switch ng ignisyon ang mga elektrikal na function ng motorsiklo. Ang switch ay nasa kanang bahagi ng steering head. Sumangguni sa Talahanayan 1.

Ipihit ang susi sa posisyong OFF at alisin ang susi kapag hindi gumagana ang motorsiklo. Maaari ding alisin ang susi sa posisyong ACC.

TALA

Isulat ang numero ng susi sa kalakip na espasyo sa harapan ng manwal na ito.
Gumagana ang ilaw kapag ang switch ay nasa posisyong IGNISYON, gaya ng iniaatas ng batas sa ilang lokalidad.

BABALA

Huwag paandarin ang sasakyan habang naka-lock ang mga fork. Ang pag-lock ng mga fork ay pumipigil sa kakayahan ng sasakyang lumiko, na maaaring magresulta sa kamatayan o malubhang pinsala. (00035a)

PAUNAWA

Protektahan ang iyong sasakyan laban sa pagnanakaw. Ang hindi pagla-lock ng motorsiklo matapos itong iparada ay maaaring magresulta sa pagnanakaw at/o pinsala sa kagamitan. (00151b)

PAUNAWA

Huwag i-lubricate ang mga lock ng barrel gamit ang lubricant na may petrolyo o graphite. Maaari itong magresulta sa mga lock na hindi gumagana. (00152a)

PAUNAWA

Ilagay ang switch ng ignisyon sa posisyong OFF bago i-lock ang motorsiklo. Kapag iniwan ang switch sa posisyong ACC, mananatiling nakabukas ang mga ilaw ng instrumento at magreresulta sa pagkadiskarga ng baterya. (00492b)

1	Off ang ignisyon
2	On ang accessory
3	On ang ignisyon

Figure 1. Switch ng Ignisyon: Mga Modelong Sportster

Talahanayan 1. Switch ng Ignisyon

POSISYON	FUNCTION
OFF	Nakapatay ang ignisyon at mga ilaw. Pwedeng alisin ang susi.
ACC.*	Naka-on ang mga ilaw ng instrumento. Pwedeng paganahin ang ilaw ng preno at ang busina. Pwedeng alisin ang susi.
IGNITION	Nakabukas ang ignisyon at mga ilaw.
*Mga internasyonal na modelo: Nakabukas din ang mga ilaw sa likod (tail lamp) at ilaw ng posisyon.