Biex tassenja l-Fob taċ-Ċavetta
Ara Figura 1 . Il-Fobs taċ-ċavetta jiġu assenjati b’mod elettroniku fis-sistema tas-sigurtà minn negozjant ta’ Harley Davidson. Żewġ Fobs biss jistgħu jiġu assenjati fi kwalunkwe ħin partikolari.
Ixtri fobs ġodda biex tissostitwixxi l-qodma mingħand negozjant ta’ Harley Davidson. Il-fobs jistgħu jiġi assenjati fuq mutur partikolari minn tekniku mħarreġ ta’ Harley Davidson biss.
Figura 1. Fob: Sistema tas-Sigurtà
NOTA
- Il-modulu jaħdem biss jekk il-fob ikun ġie assenjat minn negozjant ta’ Harley Davidson u numru ta' identifikazzjoni personali (PIN) ikun ġie mdaħħal fis-sistema. Irreġistra l-PIN fuq il-paġna tal-Informazzjoni Personali li tinsab fuq quddiem ta’ dan il-Manwal tas-Sid kif ukoll fuq il-card rimovibbli li hemm fil-kartiera.
- Jekk ma jkunx jista’ jsib il-fob jew jekk dan ma jkunx jista’ jaħdem is-sewwieq jista’ jirreferi għall-card tal-kartiera u juża l-PIN biex iwaqqaf is-sistema b’mod manwali. Ara Taqsima SISTEMA TAS-SIGURTÀ → Attivar u Diżattivar u Taqsima SISTEMA TAS-SIGURTÀ → Troubleshooting .
- Is-sewwieq jista’ jbiddel il-PIN fi kwalunkwe ħin. Ara Taqsima SISTEMA TAS-SIGURTÀ → Numru ta' Identifikazzjoni Personali (PIN) .
Batterija tal-Fob
TWISSIJA
FIH -BUTTUNA JEW BATTERIJA TAĊ-ĊELLOLI FORMA TA’ MUNITA. ŻOMM ’IL BOGĦOD MIT-TFAL.
L-inġestjoni tista’ twassal għal mewt jew korriment serju. Jistgħu jirriżultaw f’soffokazzjoni, ħruq kimiku, jew titqib tat-tessut l-artab. Ħruq sever jista’ jseħħ fi żmien sagħtejn mill-inġestjoni jew it- tqegħid fuq kwalunkwe parti tal-ġisem. Fittex attenzjoni medika immedjatament. (13105b)
Biddel il-batterija tal-fob kull sena.
NOTA
- It-tikketta riutilizzabbli li tinsab fuq l-ippakkjar tal-fob telenka n-numru tas-serje tal-fob. Għal referenza, waħħal it-tikketta fuq paġna vojta "NOTI" f’dan il-Manwal tas-Sid.
- Ara Figura 2 . In-numru tas-serje tal-fob jinsab ukoll fuq ġewwa tal-fob.
- Ara Figura 2 . Biex tiftaħ l-fob, dawwar xafra rqiqa fix-xaqq (1).
- Neħħi l-batterija (2) u armi skont ir-regolamenti lokali.
- Installa batterija (Panasonic CR2032 jew ekwivalenti) ġdida bin-naħa tal-pożittiv tħares ’il fuq.
- Allinja ż-żewġ nofsijiet tal-fob. Agħfas in-nofsijiet flimkien sakemm ifaqqgħu.
| 1 | Thumbnail slot |
| 2 | Batterija (CR2032) |
| 3 | Lukkett |
Figura 2. Biddel il-Batterija Fob
Il-Fob waqt is-sewqan
- Dejjem ġorr il-fob waqt is-sewqan, tagħbija, meta tagħti l-fjuwil, waqt li tmexxi, tipparkja jew tagħti servizz lill-mutur.
- Qatt tħalli l-fob mdendel mal-manubriju jew tpoġġih fil-kompartiment tal-bagoll. Jekk mingħajr ma tinduna tħalli l-fob fil-mutur xħin ikun ipparkjat dan ma jħallix li s-sistema tattiva l-alarm.
- Qatt issuq bil-fob magħluq f’kaxxa tal-metall jew meta l-fob ikun eqreb minn 76 mm (3.0 pulzieri) għal telefon ċellulari, PDA, display jew tagħmir elettroniku ieħor. Kwalunkwe interferenza elettromanjetika tista’ żżomm lil fob milli jiddiżattiva s-sistema.
- Għal aktar sigurtà, dejjem illokkja l-furketta u neħħi ċ-ċavetta meta tipparkja.. Jekk il-fob ikun f'medda li tinħakem u l-mutur ma jkunx illokkjat, l-alarm ma jiġix attivat anke meta xi ħadd imiss miegħu b’mod qarrieqi.
Sewqan mingħajr Fob
Jekk il-mutur jiġi misjuq mingħajr ma l-fob ikun fi prossimità aċċettabbli, it-tieqa tal-odometru temporanjament turi "NO FOB." Biex tirristartja l-mutur mingħajr fob, iddiżattiva s-sistema tas-sigurtà bil-PIN.