L-odometru juri d-distanza totali akkumulata għall-mutur. Agħfas is-swiċċ tal-grillu biex tara il-funzjonijiet differenti tal-odometru. Il-ħin (mudelli mingħajr fairing) u l-odometru jistgħu jintwerew waqt li l-mutur ikun mitfi billi jingħafas l-iswiċċ tal-grillu.

Biex tibdel l-unitajiet (mudelli mingħajr fairing): Bl-odometru muri, agħfas u żomm l-iswiċċ tal-grillu sakemm l-unitajiet jinbidlu għal MI jew KM. Il-funzjonijiet kollha tal-odometru ser juri l-unitajiet magħżula.

Biex tibdel l-unitajiet (mudelli bil-fairing): Ibdel il-kontrolli fuq ir-radju għal UNITAJIET INGLIŻI jew METRIĊI. Il-funzjonijiet kollha tar-radju u tal-odometru ser juri l-unitajiet magħżula. Ara Il-MANWAL TAD-DETENTUR TAL-KAXXA BOOM!

Iż-żewġ odometri tal-vjaġġi (A u B) juru t-total ta’ distanzi akkumulati minn mindu jkunu ġew risettjati l-aħħar. Biex tiċċekkja, agħfas u rrilaxxa s-swiċċ tal-grillu sakemm jidher l-odometru tal-vjaġġ mixtieq (A jew B).

Irrisettja: Bl-odometru tal-vjaġġ mixtieq jidher (A jew B), agħfas u żomm is-swiċċ tal-grillu sakemm l-odometru tal-vjaġġ magħżul jirrisettja fuq żero.

Id-displej tal-medda tal-karburant juri d-distanza approssimattiva disponibbli bl-ammont ta' karburant li jkun baqa’ fit-tank tal-karburant. Il-medda tad-displej hija aġġornata biss meta l-vettura tkun għaddejja.

Medda tal-Karburant fid-Displej: Bl-iswiċċ tat-tqabbid fil-pożizzjoni ACCESSORY jew IGNITION, agħfas is-swiċċ tal-grillu sakemm tintwera l-medda tal-karburant. Il-medda tal-karburant hija indikata bl-ittra "R" fuq in-naħa tax-xellug tad-displej. Id-distanza kkalkolata li jkun baqa’ (mili jew kilometri) sakemm jiżvojta jiġi muri, abbażi tal-ammont ta' karburant fit-tank.

Livell Baxx ta’ Fjuwil: Ara Taqsima Speċifikazzjonijiet . Il-medda tal-karburant hija awtomatikament murija fit-tieqa tal-odometru meta l-lampa tal-karburant baxx tkun mixgħula. Meta l-medda tal-karburant taqa’ biex jifdal 10 mili jew 10 kilometri biss, it-tieqa tal-odometru turi "LF" biex tindika li l-mutur ikun kważi spiċċalu l-karburant, id-distanza murija ħdejn l-"LF" turi d-distanza li ġiet koperta minn meta s-sinjal li jindika l-karburant baxx jkun attivat. Erġa’ agħti l-fjuwil kemm jista’ jkun malajr.

Biex TItfi l-Popup Awtomatiku ta' Karburant Baxx: Bil-medda tal-karburant jidher, żomm l-iswiċċ tal-grillu sakemm il-medda tal-karburant itteptep darbtejn. Biex terġa’ tixgħel din il-karatteristika, żomm is-swiċċ tal-grillu sakemm il-medda tal-karburant itteptep darba.

Risettjar: Biex tirrisettja l-lampa ta' twissija għal ammont baxx ta’ karburant u l-medda tal-karburant ikun jeħtieġ lI jkun hemm biżżejjed karburant fit-tank u bidla ċiklika fit-tqabbid (IGNITION-OFF-IGNITION).

Iż-żieda ta' mill-inqas 7,6 L (2 USgal) ta’ karburant jippermetti l-medda tal-karburant taġġorna. Il-medda tal-karburant bil-mod taġġorna madwar 48 km (30 mi) wara t-teħid mill-ġdid ta’ fjuwil.

Tqabbid mill-Ġdid u Inizzjalazzjoni bil-Batterija: Jekk il-batterija tkun skonnettjata u mqabbda mill-ġdid, il-gejġ ikun jeħtieġ madwar nofs tank ta’ karburant biex jerġa’ jibda jiffunzjona.

Agħfas u itlaq is-swiċċ tal-grillu sakemm it-takometru jiġi muri. It-tieqa tal-odometru għal ftit ħin ser turi messaġġ "GEAR/RPM", imbagħad turi l-ger attwali u l-veloċità tal-magna (dawran kull minuta).

Ara Figura 2 . Il-ħin huwa muri fit-tieqa tal-odometru. Segwi l-istadji li ġejjin biex tikkonfigura l-ħin.

Ara Figura 3 . Jekk il-mutur jinklina, il-kelma “TIP” tidher fit-tieqa tal-odometru. Il-magna ma terġax tistartja sakemm il-kundizzjoni ma terġax tiġi ssettjata mill-ġdid. Ara Taqsima Tħaddim → Startjar wara Tipover biex tirrisettja.

Jekk il-mutur għandu sistema tas-sigurtà u jiġi misjuq lil hinn u l-fob jitħalla warajh, 'NO FOB' temporanjament jidher fit-tieqa tal-odometru.

Mingħajr il-fob, il-mutur jista’ biss jiġi startjat bi dħul manwali ta’ PIN biex is-sistema ta’ sikurezza tiġi diżarmata.. Ara Taqsima SISTEMA TAS-SIGURTÀ → Attivar u Diżattivar .

Ara Figura 3 . Xi vetturi għandhom funzjoni ta’ impediment intrinsiku tal-jiffy stand. Messaġġ tal-Kavalett Laterali jiskrollja fl-odometru jekk il-jiffy stand jitniżżel waqt li l-mutur ikun fuq ger jew waqt li qed tirkbu. Ara Taqsima Qabel s-Sewqan → Tħaddim tal-Jiffy Stand .

Messaġġ ta’ tindif (qabel ma tistartja l-mutur): Qiegħed it-trasmissjoni fuq newtrali jew għolli l-jiffy stand.

Messaġġ ta' tindif (waqt li tkun riekeb): B’mod sikur waqqaf il-mutur. Għolli l-jiffy stand.

Messaġġ ta' tindif (temporanju): Agħfas is-swiċċ tal-grillu. Il-messaġġ jikklerja b’mod temporanju qabel ma jerġa’ jitfaċċa mill-ġdid.

Ara Figura 3 . Jekk mgħammar, it-TPMS jimmonitorja u juri l-pressjoni tat-tajers, kemm għar-rota ta’ quddiem kif ukoll għal dik ta’ wara, fit-tieqa tal-odometru.

Hemm sensor mqabbad mal-valve stem ġewwa kull tajer. Is-sensuri jibagħtu sinjal lill-mutur f'intervalli li jvarjaw skont jekk il-vettura tkunx miexja jew ipparkjata.

Biex turi l-pressjoni fit-tajers: Agħfas is-swiċċ tat-trigger biex turi l-pressjoni tat-tajer ta’ quddiem (FR). Erġa’ agħfas is-swiċċ tat-trigger biex turi l-pressjoni tat-tajer ta’ wara (RR).

Pressjoni baxxa fit-tajer: Meta tinstab pressjoni baxxa fit-tajer, it-tieqa tal-odometru turi liema wieħed mit-tajers hu affetwat u informazzjoni dwar il-pressjoni. Waqqaf il-vettura b’mod sigur u uża gejġ tal-pressjoni biex tiċċekkja l-pressjoni ta’ kull tajer affettwat. Onfoħ it-tajers skont l-ispeċifikazzjonijiet fil- Taqsima Qabel s-Sewqan → Iċċekkjar tal-Pressjoni tat-Tajer u Spezzjonar tat-Tajers jew kif speċifikat fuq it-tikketta ta’ fuq id-downtube tal-qafas.

L-ebda informazzjoni dwar pressjoni fit-tajer: Jekk is-sistema m'għandhiex informazzjoni għall-pressjoni attwali tat-tajer, it-tieqa tal-odometru turi linji fir-rigward tat-tajer affetwat (per eżempju FR -- ). Dan jista’ jiġi kkawżat minħabba nuqqas ta’ sinjal riċenti mis-sensors tat-TPMS jew xi ħsara oħra. Iċċekkja l-lampa tal-pressjoni baxxa fit-tajer/ħsara fit-TPMS. Ara Taqsima Tħaddim → Strumenti .