Filwaqt li jista’ jkun ta’ vantaġġ f’ċertu sitwazzjonijiet, il-kontroll tat-trazzjoni mhuwiex sostitut ta’ sewqan bla periklu.

Is-sistema tal-kontroll tat-trazzjoni fil-kantunieri ta’ Harley-Davidson tinduna meta r-rota motorizzata titlef it-trazzjoni. F’kundizzjonijiet meta t-toroq ikunu mxarrba jew jiżolqu, jew waqt li tkun qed issir aċċellerazzjoni f'daqqa, is-sistema tal-kontroll tat-trazzjoni tillimita t-torque jew tapplika l-brejkijiet fuq ir-rota ngranata-waqt li jkun hemm telf tat-trazzjoni.

Filwaqt li tnaqqas it-tidwir tat-tajer, is-Sistema ta' Kontroll tat-Trazzjoni tista’ żżomm il-kontroll, filwaqt li tippermetti l-aċċellerazzjoni massima.

Il-vettura hija wkoll mgħammra b'Sistema ta’ kontroll Drag Torque Slip biex tgħin sabiex jinżamm il-kontroll waqt id-deċellerazzjoni. Meta inti tnaqqas f'daqqa l-aċċellerazzjoni tal-vettura, waqt xiftijiet baxxi, jew meta l-powertrain tiddeċellera fuq uċuħ imxarrba jew jiżolqu, il-vettura tista’ tisslippja mir-rota ta’ wara.

Mudelli bl-RDRS għandhom karatteristiċi addizzjonali. Ara Taqsima Tħaddim → Sistemi Difensivi tar-Rifless tas-Sewwieq għal aktar informazzjoni.

Is-sistema mtejba tal-kontroll tat-trazzjoni fil-kantunieri tissorvelja b’mod kostanti l-aċċellerazzjoni laterali tal-vettura meta tkun misjuqa fid-dritt u matul id-dawrien, u taġġusta l-aċċellerazzjoni tar-rota motorizzata meta tinduna li hemm telf tat-trazzjoni.

Dan l-aġġustament huwa ddisinjat biex jillimita d-dawrien tar-rota u jgħin lis-sewwieq iżomm il-kors mixtieq tal-ivvjaġġar fil-kantunieri.

Waqt it-tqabbid tal-magna, il-bozza tal-kontroll tat-trazzjoni tteptep simultanjament mal-bozza tal-ABS, dan jindika li ż-żewġ sistemi qed jistennew li l-vettura ttemm l-iċċekkjar tas-sensor tal-veloċità tar-roti. Is-sistema tal-kontroll tat-trazzjoni hija operattiva wara t-tqabbid anki waqt li jkun għaddej l-iċċekkjar tas-sensor tal-veloċità tar-roti. Il-lampa tal-kontroll tat-trazzjoni suppost tintefa meta jintemm l-iċċekkjar tas-sensor.

Jekk is-sistema tad-drag torque slip control tħoss li r-rota ta’ wara ma tkunx qed torbot waqt id-deċellerazzjoni tal-powertrain, is-sistema tista’ tnaqqas il-ġbid tal-aċċelleratur, billi żżid il-magna Revoluzzjonijiet Kull Minuta (rpm) sabiex tillimita ż-żlieq u jinżamm il-kontroll.

Il-Kontroll tat-Trazzjoni huwa attivat awtomatikament f'kull ċiklu meta tiġi mqabbda l-magna. Is-sewwieq jista’ jiddiżattiva l-kontroll tat-trazzjoni fi kwalunkwe ħin meta l-vettura tkun wieqfa għal kollox u l-magna tkun qiegħda taħdem billi jingħafas u jibqa’ magħfus għal sekonda sħiħa s-swiċċ tal-kontroll tat-trazzjoni.

Is-sewwieq jista’ jikkunsidraha bħala benefiċċju li jiddiżattiva l-kontroll tat-trazzjoni f’sitwazzjonijiet ta' veloċità baxxa u trazzjoni baxxa (low speed low traction) bħal, sewqan fir-ramel fond, sewqan f’telgħa jew fuq ħaxix imxarrab, jew sitwazzjonijiet simili. Il-lampa tal-kontroll tat-trazzjoni tixgħel u tibqa’ mixgħula biex tindika li l-kontroll tat-trazzjoni huwa diżattivat. Madankollu, jekk il-lampa tat-TC tibqa’ mixgħula flimkien mal-lampa tal-indikatur tal-ħsara, ifisser li s-sistema tal-kontroll tat-trazzjoni għandha l-ħsara, jekk dan iseħħ ara aġent awtorizzat tal-Harley Davidson.

F’ċertu kundizzjonijiet meta jkun hemm xi ħsara, il-Kontroll tat-Trazzjoni se jiġi attivat b’funzjoni mnaqqsa u ma jkunx jista’ jiġi diżattivat.

Is-sewwieq jista’ jerġa’ jattiva l-kontroll tat-trazzjoni fi kwalunkwe ħin matul it-tħaddim tal-vettura billi jagħfas u jitlaq is-swiċċ tal-kontroll tat-Trazzjoni.

Jekk il-lampa tal-kontroll tat-trazzjoni tibda tteptep b’mod mgħaġġel waqt is-sewqan, ifisser li s-sistema tal-kontroll tat-trazzjoni qed tidħol fis-seħħ.

Intervent tal-Kontroll tad-Drag Torque Slip huwa indikat permezz ta’ teptip mgħaġġel tal-lampa tal-kontroll tat-trazzjoni. Madankollu, jekk tiddiżattiva l-Kontroll tat-Trazzjoni mhux se tkun qed tiddiżattiva l-Kontroll Drag Torque Slip.