Sistemi Difensivi tas-Sewwieq Reflex™ (RDRS)
Mudelli mgħammra b’RDRS għandhom buttuna tal-kontroll tat-trazzjoni u ikona tal-kontroll tat-trazzjoni li tixgħel meta jkun hemm enerġija, ara
Taqsima Tħaddim → Swiċċijiet ta' Kontroll tan-naħa tax-Xellug
u
Taqsima Tħaddim → Strumenti
.
L-RDRS hija l-Brejkijiet Marbutin bir-REFLEX b’ABS Imtejjeb għat-Tidwir fil-Kantunieri u karatteristiċi addizzjonali oħra biex itejbu l-kontroll tas-sewwieq fuq il-mutur billi taġġusta l-pressjoni tal-brejk u/jew l-output tal-powertrain biex iżommu l-kontroll tal-mutur.
Għal iktar informazzjoni ara wkoll
www.h-d.com/rdrs
Lieva tal-Brejk ta’ Quddiem
TWISSIJATpoġġix is-swaba bejn il-hand control lever u l-gripp tal-manubriju. Il-pożizzjonar ħażin tal-idejn jista’ jtellef l-operazzjoni tal-kontroll tal-liver u jikkawża t-telf tal-kontroll tal-vettura, li jista’ jwassal għal mewt jew f'korriment serju. (00032a)
Ara Figura 1 . Il-lieva tal-brejk ta’ quddiem (1) tikkontrolla l-brejk tar-rota ta' quddiem. Il-lieva hija fuq in-naħa tal-lemin tal-manubriju. Ħaddem il-lieva tal-idejn bis-swaba’ tal-id il-leminija.
Pedala tal-Brejk ta’ wara
Ara Figura 1 . Il-pedala tal-brejk ta’ wara (2) tikkontrolla l-brejk tar-rota ta' wara. Il-pedala qiegħda fuq in-naħa tal-lemin. Ħaddem il-pedala tal-brejk ta’ wara bis-sieq tal-lemin.
| 1 | Liver tal-brejk ta’ quddiem |
| 2 | Pedala tal-brejk ta’ wara |
Figura 1. Il-Kontrolli tal-Brejk
Sistema Reflex Linked Antilokk tal-Ibbrejkjar (ABS)
Is-sistema reflex linked antilokk tal-brejkijiet ta’ Harley-Davidson tgħin lis-sewwieq iżomm kontroll meta jibbrejkja f’sitwazzjoni ta' emerġenza. Is-sistema Reflex Linked ABS timmonitorja l-brejkijiet ta’ quddiem u ta’ wara biex iżżomm ir-roti jduru u b’hekk ma tħallix li r-roti jillokkjaw mingħajr kontroll sew jekk ikun fuq bankini xotti jew fuq uċuħ tat-triq jiżolqu bħal żrar, weraq jew waqt sewqan fit-tixrib.
Is-sistema Reflex Linked antilokk tal-ibbrejkjar tirrispondi aħjar mis-sistema antilokk tal-ibbrejkjar konvenzjonali u tippermetti l-ibbrejkjar iktar ibbilanċjat fuq quddiem u fuq wara f’varjetà kbira ta’ applikazzjonijiet tal-brejkijiet.
F'veloċitajiet ta’ aktar minn 7 km/h (4 mph), is-sistema taġġusta b’mod dinamiku l-irbit għall-ammont ta' brejk applikat, kif ukoll il-veloċità tal-vettura sabiex tilħaq il-bilanċ ottimizzat tal-brejkijiet. Is-sistema tipprovdi iżjed irbit meta s-sewwieq ikun qed japplika bbrejkjar iktar qawwi u tnaqqas jew telimina l-irbit għall-ibbrejkjar ħafif u veloċitajiet baxxi.
NOTA
Meta jiġu applikati ż-żewġ brejkijiet, is-sewwieq jista’ jinduna b’feedback ħafif fil-liver tal-brejk ta’ quddiem jew fil-pedala tal-brejk ta’ wara waqt li jkun qed iseħħ l-ibbilanċjar dinamiku.
Meta jkun marbut, l-applikar tal-liver tal-brejk ta’ quddiem waħdu jġiegħel lis-sistema tapplika wkoll dinamikament ammont tal ibbrejkjar fuq wara. Meta tiġi applikata l-pedala tal-brejk ta’ wara waħedha ġġiegħel lis-sistema biex tapplika wkoll ammont ta’ ibbrejkjar fuq il-calipers ta’ quddiem. Meta jiġu applikati ż-żewġ brejkijiet, is-sistema tipprova tibbilanċja dinamikament l-ibbrejkjar tar-roti ta’ quddiem kif ukoll ta’ wara.
F'veloċitajiet ta’ inqas minn 3 km/h (2 mph), il-brejkijiet ma jkunux marbuta sabiex il-manuvrabilità f’veloċità baxxa ma tkunx affettwata negattivament, bħal meta l-mutur ikun qed jiġi misjuq ġewwa parkeġġ.
Kif taħdem l-ABS
Il-ABS tissorvelja s-sensors fuq ir-roti ta’ quddiem u ta’ wara biex tiddetermina l-veloċità tar-roti. Jekk is-sistema ssib li waħda jew aktar roti qed inaqsu mill-veloċità f’daqqa, li jindika li dawn se jillokkjaw, jew jekk ir-rata ta’ deċellerazzjoni ma taqbilx ma’ kriterja maħżuna fil-memorja, l-ABS jidħol fl-azzjoni. Is-sistema malajr tibda tiftaħ u tagħlaq valves biex timmodula l-pressjoni tal-brejk. Waqt l-attivazzjoni tal-ABS, is-sistema tipprovdi l-ekwivalenti elettroniku li jippompja l-brejkijiet manwalment. Is-sistema tista’ ddur ħafna darbiet kull sekonda.
Is-sewwieq jinduna bl-attivazzjoni tal-ABS permezz ta’ sensazzjoni pulsanti ħafifa fil-lieva tal-idejn jew fil-pedala tal-brejk ta’ wara. Jinstema’ wkoll ħoss li jikklikkja mill-modulu tal-ABS. It-tnejn huma sinjali ta’ operazzjoni normali. Irreferi għal Tabella 1.
Għal iktar informazzjoni dwar l-ABS żur www.h-d.com/rdrs .
Kif tuża l-ABS
Waqt li hi ta’ vantaġġ fl-ibbrejkjar waqt emerġenza, l-ABS mhix sostitut għal sewqan sigur. L-aktar mod sigur biex twaqqaf mutur huwa billi tuża ż-żewġ brejkijiet.
L-ABS ta’ Harley Davidson hija sistema ta’ assistenza manwali. F’sitwazzjoni ta’ waqfien ta’ emerġenza, ibqa’ żomm pressjoni fuq il-brejkijiet sakemm idum jaħdem il-proċess tal-ABS. Tibdilx jew “tippompjax” il-kontrolli tal-brejkijiet. Ir-roti ma jillokkjawx sakemm jintemm il-waqfien meta l-veloċità tal-mutur tonqos għal rata li fiha l-ABS ma tibqax aktar meħtieġa.
ABS: Tajers u Roti
Muturi mgħammra bl-ABS iridu dejjem jużaw tajers u roti ta’ Harley Davidson. L-ABS timmonitorja l-veloċità rotazzjonali tar-roti permezz ta’ sensors individwali fuq kull rota. Tibdil għal-roti ta’ dijametru differenti jew qies differenti tat-tajers jista’ jibdel il-veloċità rotazzjonali. Roti u tajers ta’ qisien differenti jistgħu jħarbtu l-kalibrazzjoni tal-ABS u jkollhom effett negattiv fuq il-kapaċità tagħha biex tinduna u tipprevjeni l-illokkjar mhux kontrollat tar-roti. Sewqan bi pressjoni tat-tajers differenti minn dawk speċifikati jista’ jnaqqas il-prestazzjoni tal-ibbrejkjar tal-ABS. Irreferi għal .
Tabella 1. Sintomi u Kundizzjonijiet tal-ABS
SINTOMU | KUNDIZZJONI |
|---|---|
Bozza tal-ABS mixgħula l-ħin kollu | Instabet ħsara fl-ABS. Kellem negozjat ta’ Harley Davidson għal servizz ta’ manutenzjoni. |
Il-fanal tal-ABS qed iteptep bil-mod | Dan jindika proċess normali ta’ awtodijanjosi meta l-mutur ikun għadu kif inxtegħel u l-veloċità hija inqas minn5 km/h (3 mph). L-ABS ma jaħdimx sakemm tintefa l-lampa. Jekk il-bozza tkompli tteptep f'veloċitajiet aktar minn 5 km/h (3 mph), ara aġent tal-Harley-Davidson għal service. |
Teptip mgħaġġel tal-fanal tal-ABS u l-fanal ta’ indikazzjoni tas-sigurtà/ħsara b’dawl solidu | Dan jindika ħsara potenzjali fis-sistema tal-brejkijiet. Applika kemm il-brejk ta' quddiem u kif ukoll ta' wara biex tnaqqas il-veloċità u twaqqaf il-mutur. Il-kontrolli tal-brejkijiet jistgħu jinħassu iebsin meta wieħed jiġbidhom. Jekk dan iseħħ, mexxi l-mutur f'post sigur biex tieqaf. Huwa meħtieġ servizz biex tirranġa l-ħsara qabel ma terġa’ ssuqu. Ara aġent ta’ Harley Davidson għal servizz. |
Tagħti impuls lil-lieva tal-brejk jew lill-pedala waqt l-operar tal-ABS | Kundizzjoni normali. |
Ħoss ta’ kklikkjar waqt l-operar tal-ABS | Kundizzjoni normali. |
Sensazzjoni ta’ "surge" waqt l-ibbrejkjar | Kundizzjoni normali. Dan huwa l-aktar notevoli meta jkun hemm ibbrejkjar bi brejk wieħed (ta' quddiem biss jew ta’ wara biss). Ir-riżultat ta' tnaqqis fid-deċelerazzjoni li jista’ jiġi kawżat minn xquq jew ħotob fit-triq, ibbrejkjar tal-magna (RPMs tal-magna għolja li jikkaġunaw ir-rota ta’ wara biex tnaqqas ir-ritmu), ibbrejkjar f’daqqa f’veloċitajiet baxxi, u kundizzjonijiet oħra. Dan huwa dovut għall-pressjoni tal-brejk tal-kaliper modulanti tal-ABS biex jipprevjeni imblokk mhux ikkontrollat tar-rota. |
Pedala temporanjament iebsa tal-brejk ta’ wara | Kundizzjoni normali. Ibbrejkjar tal-magna (RPMs għolja tal-magna li jikkaġunaw ir-rota ta’ wara tnaqqas ir-ritmu) jew ixxiftjar ’l isfel jista’ jattiva l-ABS. Jekk jiġi applikat il-brjek ta’ wara fl-istess ħin jew immedjatament wara, l-ABS tista’ tkun qed tagħlaq valv biex tevita l-pressjoni fuq il-brejk ta’ wara. Dan huwa dovut għall-pressjoni tal-brejk tal-kaliper modulanti tal-ABS biex jipprevjeni imblokk mhux ikkontrollat tar-rota. |
Tisfira tat-tajer | Kundizzjoni normali. Skont il-wiċċ, it-tajer jista’ jsaffar mingħajr ma tillokkja r-rota. |
Marka sewda fuq il-bankina | Kundizzjoni normali. Skont il-wiċċ tat-triq, it-tajer jista’ jħalli marka sewda mingħajr ma tillokkja r-rota. |
Illokkjar tar-rota f'veloċità baxxa | Kundizzjoni normali. L-ABS ma jiġix attivat fuq ir-rota ta’ quddiem, taħt 5 km/h (3 mph) jew fuq ir-rota fuq wara, taħt 8 km/h (5 mph). |
Karatteristiċi Addizzjonali
Modalitajiet ta’ Kontroll tat-Trazzjoni
Il-Modalità tax-xita: Użata għall-uċuħ bi trazzjoni mnaqqsa bħal toroq imxarrba jew biż-żrar.
Il-Modalità tat-Triq: Użata għall-aħjar kundizzjonijiet ta' sewqan bħal toroq watja u nexfin.
Għal aktar informazzjoni dwar il-kontroll tat-trazzjoni, ara Taqsima Tħaddim → Kontroll tat-Trazzjoni .
Kontroll taż-Żamma tal-Vettura (VHC)
Il-VHC juża l-pressjoni tal-brejk biex iżomm il-mutur milli jmur lura meta jitwaqqaf f’telgħa, u b’hekk tagħmilha eħfef li wieħed isuq meta jqabbad il-vettura f’telgħa, bħal f’għolja, pont jew rampa tal-parkeġġ. Il-VHC iżomm il-pressjoni tal-brejk meta jiġi attivat u ma jħallix il-mutur jimxi wara li s-sewwieq jerħi l-kontrolli tal-brejk minn idejh. Is-sistema żżomm il-pressjoni tal-brejk sakemm is-sewwieq iħaddem l-aċċelleratur u l-klaċċ biex isuq.
NOTA
Il-VHC mhuwiex maħsub biex jintuża bħala brejk tal-parking.
Attivazzjoni: Ir-rikkieb jattiva l-VHC billi japplika pressjoni żejda jew fuq il-lieva tal-handbrake ta' quddiem jew fuq il-kontroll tal-brejk tas-saqajn ta' wara, wara li l-mutur ikun waqaf kompletament. Id-dawl ta’ indikazzjoni tal-VHC jixgħel biex jikkonferma li s-sewwieq ikun attiva l-VHC u li s-sistema tal-ABS se żżomm pressjoni tal-brejk wara li s-sewwieq jitlaq il-kontroll tal-brejk.
Diżattivazzjoni: Il-VHC ma jiġix ingaġġjat awtomatikament meta s-sewwieq jibda jsuq wara li l-vettura tkun wieqfa, jew jekk is-sewwieq japplika u jitlaq wieħed mill-kontrolli tal-brejk. Il-VHC jista' jiġi diżattivat jekk is-sewwieq jirrevja b’mod aggressiv bil-klaċċ mgħolli. ll-VHC se jiġi diżattivat jekk is-sewwieq iniżżel l-istand tal-ġenb fuq mudell b’sensur ta’ stand tal-ġenb (mhux fis-swieq kollha) jew ipoġġih fuq in-newtrali fuq il-mudelli mingħajr sensur tal-istand tal-ġenb. Il-VHC se jiddiżattiva meta l-magna tkun mitfija. Il-VHC se jiddiżattiva, bejn wieħed u ieħor, wara ħames minuti. Fil-maġġoranza tas-sitwazzjonijiet id-dawl tal-indikatur se jteptep u l-VHC jiddiżattiva jekk is-sewwieq ma jieħu ebda azzjoni. (Il-VHC jista' jiddiżattiva f’inqas minn ħames minuti biex jipprevjeni milli jisħon b’mod eċċessiv jekk ikun qed jintuża ta' spiss fuq telgħat weqfin.)
Sistema ta’ Monitoraġġ tal-Pressjoni tat-Tajers (TPMS)
It-TPMS twissi lis-sewwieq meta jkun hemm il-pressjoni baxxa fl-arja tat-tajers. Li żżomm il-pressjoni x-xierqa tal-arja tat-tajers huwa importanti kemm għas-sigurtà u kif ukoll għall-ħajja tat-tajer. It-tieqa tal-odometru turi l-pressjoni attwali tat-tajer ta' quddiem u ta' wara, ara Taqsima Tħaddim → Tieqa tad-Displejs tal-Odometru . L-indikatur tal-pressjoni tat-tiri jixgħel biex iwissi lir-rikkieb meta l-pressjoni tat-tajer tkun baxxa, u l-pressjoni għandha tiġi ċċekkjata, ara Taqsima Tħaddim → Strumenti .