Ang langis ng makina ay isang pangunahing salik sa pagganap at itatagal ng buhay ng makina. Gamitin ang wastong grado ng langis para sa pinakamababang temperatura na inaasahan bago ang susunod na pagpapalit ng langis. Ang iyong awtorisadong dealer ay may wastong langis upang matugunan ang iyong mga pangangailangan. Sumangguni sa Talahanayan 1.

Ipinapadala ang mga motorsiklo mula sa pagawaan nang may SCREAMIN' EAGLE SYN3 FULL SYNTHETIC MOTORCYCLE LUBRICANT 20W50. Kung walang SYN3 at kailangang magdagdag ng langis ng motor, ang unang opsyon ay ang magdagdag ng GENUINE HARLEY-DAVIDSON H-D 360 MOTORCYCLE OIL 20W50 sa YN3 para padulasin ang makina. Bagama’t tugma ang H-D 360 sa SYN3, iminumungkahi namin na palitan sa lalong madaling panahon ang mga hinalong likido.

Upang palitan ang lubricant tungo sa H-D 360, ganap na sairin ang SYN3 bago punan ng H-D 360. May kaunting likido na matitira. Hindi na kinakailangang alisin pa ang natirang likido.

Kung walang SYN3 o H-D 360, ang ikatlong opsyon ay ang magdagdag ng katanggap-tanggap na diesel na langis ng makina. Kasama sa pinapayagang diesel na langis ng makina ay ang: CH-4, CI-4 at CJ-4. Ang mas pinipiling lapot para sa diesel na langis ng makina mula una hanggang huli ay: 20W50, 15W40 at 10W40.

Habang maaaring gusto mong piliin na gumamit ng iba pang mga langis na hindi nakalista sa itaas, ang Harley-Davidson ay hindi obligado na magbayad para sa sira na magreresulta mula sa paggamit ng hindi-genuine na langis o hindi aprubadong mga alternatibo.

Kung gumagamit ng isang pinaghalo na mga langis, inirerekomenda na magpalit sa SYN3 o H-D 360, o aprubadong mga alternatibo sa iyong unang pagkakataon.