Kung mayroon kang mga katanungan o alalahanin tungkol sa pagganap ng iyong motorsiklo o sa aplikasyon ng limitadong garantiyang inilarawan dito, o hindi ka nasisiyahan sa serbisyo na iyong natatanggap mula sa awtorisadong Harley-Davidson dealership, gawin ang mga sumusunod:
Makipag-ugnayan sa nagbebenta at/o nagseserbisyong dealership at makipag-usap sa sales at/o service manager.
Kapag hindi natutugunan ng dealership ang iyong alalahanin sa iyong kaluguran, makipag-ugnayan sa Harley-Davidson Customer Support Center sa pamamagitan ng pagsusulat tungkol sa iyong alalahanin sa sumusunod na address o pagtawag sa numero ng telepono sa ibaba.
Sa U.S., ang mga batas ng estado sa mga garantiya, na madalas na tinutukoy bilang mga lemon law, ay maaaring magkaloob sa iyo ng ilang karapatan na hindi partikular na binanggit dito. Sa lawak na pinahihintulutan ng iyong estado, hinihiling ng Harley-Davidson na magpadala ka ng nakasulat na abiso hinggil sa anumang depekto o di-pagsunod sa garantiya na naranasan mo sa iyong motorsiklo sa Harley-Davidson. Pinahahalagahan ng Harley-Davidson ang pagkakataon na siyasatin ang iyong mga alalahanin at maipanumbalik ang iyong kaluguran sa iyong motorsiklo sa pamamagitan ng paggawa ng mga kinakailangang pagsasaayos alinsunod sa mga tuntunin ng limitadong garantiya ng Harley-Davidson. Hinihiling ng Harley-Davidson na ipadala mo ang iyong reklamo sa Harley-Davidson Customer Support Center.
Ang garantiyang ito ay hindi nangangahulugan na ang bawat motorsiklo ng Harley-Davidson ay walang mga depekto. Ang mga depekto ay maaaring hindi sinasadyang mailagay sa mga motorsiklo sa panahon ng proseso ng pagdidisenyo at pagmamanupaktura at ang mga naturang depekto ay maaaring magresulta sa pangangailangan ng pag-aayos. Dahil dito, ipinagkakaloob ng Harley-Davidson ang Limitadong Garantiya upang maremedyuhan ang anumang mga naturang depekto na nagreresulta sa hindi paggana o pagpalya ng isang bahagi o sa panahon ng garantiya. Ang remedyo sa ilalim ng nakasulat na garantiyang ito, at anumang ipinahihiwatig na garantiya, ay limitado sa pagkukumpuni, pagpapalit o pag-a-adjust ng sirang bahagi. Ang eksklusibong remedyo na ito ay hindi dapat ituring na nabigo sa mahahalagang layunin nito hangga't ang Harley-Davidson, sa pamamagitan ng mga awtorisadong dealer nito, ay handa at may kakayahang kumpunihin, palitan o ayusin ang mga piyesang depektibo sa iniaatas na paraan. Ang pananagutan ng Harley-Davidson, kung mayroon man, ay hindi kailanman dapat lumampas sa halaga ng pagwawasto ng anumang depekto tulad ng ipinakikita dito at sa pagkawala ng bisa ng garantiyang ito, ang anumang naturang pananagutan ay tatapusin.