Ang mga produktong panlinis ng Harley-Davidson ay malawakang sinubok para gamitin sa mga surface ng motorsiklo. Ang mga produktong ito ay binuo upang tumugma sa isa't isa. Magtungo sa isang Harley-Davidson dealer upang bumili ng mga inirerekmendang produktong panlinis. Sumangguni sa Pagkaraang Sumakay → Mga Inirerekomendang Produktong Panlinis → Mga Inirerekomendang Produktong Panlinis at Pangangalaga at Pagkaraang Sumakay → Mga Inirerekomendang Produktong Panlinis → Mga Inirerekomendang Produkto para sa Pangangalaga ng Surface .
Ang pangangalaga, paglilinis at proteksyon ng mga surface ng sasakyan ay responsibilidad ng may-ari.
Linisin at protektahan ang mga kosmetikong surface ng iyong motorsiklo sa pinakamadalas na maaari upang pigilan ang kalawang at pagkaagnas.
Maaaring magasgasan ang ilang pininturahan surface at iba pang mga surface kapag kumiskis ang graba, dumi o dungis sa surface sa panahon ng paghuhugas. Gumamit ng malilinis na tuwalya at iwasan ang pagkikiskis ng mga latak sa makikintab na surface.
Huwag gumamit ng mga tuwalyang papel, lampin o iba pang materyales na may mga nylon fiber na maaaring maging sanhi ng pinong mga gasgas sa mga surface.
Para sa pagkukumpuni ng mga nagasgas na surface, magtungo sa isang Harley-Davidson dealer.

BABALA

Sundin ang mga babala sa mga label ng mga cleaning compound. Ang hindi pagsunod sa mga babala ay maaaring magresulta sa kamatayan o malubhang pinsala. (00076a)

BABALA

Huwag hugasan ang mga disc ng preno gamit ang mga panlinis na may chlorine o silicone. Ang mga panlinis na may chlorine at silicone ay maaaring makapinsala sa paggana ng preno, na maaaring magresulta sa kamatayan o malubhang pinsala. (00077a)

PAUNAWA

Huwag gumamit ng pressure washer upang linisin ang motorsiklo. Ang paggamit ng pressure washer ay maaaring magresulta sa pagkasira ng kagamitan. (00489c)

PAUNAWA

Ang paggamit ng mga produktong matatapang o ang mga powdered buffing equipment ay magdudulot ng permanenteng pinsalang kosmetiko sa katawan ng mga panel. Gumamit lamang ng mga inirerekomendang produkto at mga pamamaraan na nakabalangkas sa manwal na ito upang maiwasan ang pagkapinsala ng mga panel ng katawan. (00245b)

Paglilinis ng mga Gulong at Goma ng Gulong

TALA

Ang korosyon sa mga gulong ay hindi itinuturing na depekto sa mga materyales o pagkakagawa.

Ang mga gulong ay maaaring mag-corrode o magkaroon ng kosmetikong pinsala kung hindi maayos na nililinis, pinakikintab at pinananatili.
Inirerekomenda ng Harley-Davidson na alagaan ang mga gulong linggu-linggo.
Panatilihing malinis ang mga gulong mula sa matatapang na kemikal, mga panlinis ng gulong na may asido, asin at naipong brake dust.
Pagkatapos hugasan ang mga gulong gamit ang WHEEL & TIRE CLEANER, gamitin ang mga produktong pampakintab at pangselyo ayon sa uri ng mga gulong sa iyong motorsiklo. Sumangguni sa Pagkaraang Sumakay → Pangangalaga ng Gulong → Mga Produktong Pampakintab at Pangselyo ng Gulong .

Radiator

Tingnan ang Pagpapanatili at Lubrikasyon → Cooling System para sa mahalagang impormasyon tungkol sa paglilinis ng radiator.