Ang Engine Idle Temperature Management System (EITMS) ay maaaring magbigay ng limitadong pagpapalamig ng cylinder sa likod para sa mga rider na madalas na nakakaranas ng matagal na paghinto o matinding trapiko. Pwedeng paganahin o di-paganahin ng mga rider ang EITMS upang umakma sa estilo ng kanilang pagmamaneho.
Pagpapagana
Kapag aktibo ang EITMS, ang pagbitiw sa clutch lever papunta sa clutch engagement zone ay magpapahinto sa EITMS at sisimulan nito ang paggana ng cylinder sa likod. Habang nakahinto ang sasakyan, maaaring makinabang ang rider sa pagpaparebolusyon (throttle)/bahagyang pagpapabilis ng makina bago umandar, na siyang magpapahinto sa EITMS at agad na magpapaandar sa likurang cylinder anuman ang posisyon ng clutch lever.
Ang warm idle speed ng makina ng Milwaukee Eight 114 ay 950 RPM. Ang bilis ng idle ay maaaring mag-iba depende sa iba pang mga kadahilanan kabilang ang mga electrical load sa sasakyan.
Kapag naka-active ang EITMS sa mga makinang ito, ang idle speed ay tataas sa 950-1000 RPM hanggang ang EITMS ay ma-deactivate.
Pag-activate
TALA
Hindi gagana ang EITMS sa loob ng unang 30 segundo matapos paandarin ang makina.
Papatayin ng EITMS ang fuel injector ng cylinder sa likod kapag natugunan ang lahat ng sumusunod na parameter:
Ang posisyon ng throttle ay nasa idle
Mas mabagal sa 1.2 mph (2 km/h) ang bilis ng motorsiklo
Mas mabagal sa 1200 RPM ang bilis ng makina
Ang reading ng sensor ng Engine Temperature (ET) ay mas mataas sa naka-preset na antas
Ang reading ng sensor ng Ambient Air Temperature (AAT) ay mas mataas sa naka-preset na antas (para lang sa mga modelong may radyo)
Pagpapahinto ng paggana
Hihinto ang EITMS at magpapatuloy sa paggana ang fuel injector ng cylinder sa likod kapag naganap ang alinman sa mga sumusunod na kondisyon:
Ang reading ng sensor ng Ambient Air Temperature (AAT) ay bumagsak nang mas mababa sa mga naka-preset na antas (para lang sa mga modelong may radyo)
Ang reading ng sensor ng Engine Temperature (ET) ay bumagsak nang mas mababa sa naka-preset na antas
Mas mataas sa idle ang posisyon ng throttle (ni-roll ng rider ang throttle)
Lampas ang bilis ng motorsiklo sa 1.9 mph (3 km/h)
Lampas ang bilis ng makina sa 1350 RPM
Binitiwan ang clutch habang nakakambiyo ang motorsiklo
Pagpapagana / Pagpapahinto sa EITMS
TALA
Maaaring paganahin o pahintuin ang EITMS habang umaandar o nakapatay ang makina.
Sa mga sasakyang may radyo, ang pag-activate ng EITMS at ang pagpapagana / pagpapahinto ay maaaring makita sa Screen ng Impormasyon.
Enabled: Awtomatikong gumagana ang feature ng pagpapalamig ng makina ng EITMS sa tuwing ganap na hihinto ang sasakyan at naka-idle sa mga kondisyong mataas ang temperatura. Kapag naka-enable ang feature, maaaring hindi ito gumana kapag nagmamaneho nang malamig.
Naka-disable: Hindi aktibo ang EITMS feature sa ilalim ng anumang kondisyon.
Maaaring paganahin o di-paganahin ang EITMS sa pamamagitan ng pagsasagawa ng mga sumusunod.
Ipihit ang switch ng ignisyon sa ON. Pindutin ang switch ng OFF/RUN ng makina sa kanang handlebar sa posisyong RUN.
Diinan nang matagal ang throttle sa posisyong roll-off.
Tingnan ang Pagpapatakbo → Mga Instrumento. Pagkatapos ng 3 segundo, kikislap ang indicator na ilaw ng cruise control na magpapakita ng status ng EITMS.
Ipinahihiwatig ng kumikislap na kulay berde na gumagana ang EITMS.
Ipinahihiwatig ng kumikislap na kulay amber na hindi gumagana ang EITMS.
Ulitin ito upang paganahin o hindi paganahin ang EITMS.
TALA
Ipinahihiwatig ng kumikislap na ilaw ng cruise ang setting ng EITMS. Ipinahihiwatig ng solid (di-kumikislap) na ilaw ang setting ng cruise control.
Patuloy na gagana ang setting ng EITMS hanggang sa baguhin ito ng rider o dealer. Hindi kinakailangang i-reconfigure ang EITMS sa bawat pagpapaandar.