Mga Espesyal na Tool
| Paglalarawan | Numero ng Parte | Dami |
|---|---|---|
| DOT 4 BRAKE FLUID MOISTURE TESTER | HD-48497-A | 1 |
TALA
- Sa bawat pagpapaserbisyo, suriin ang moisture content ng fluid gamit ang DOT 4 BRAKE FLUID MOISTURE TESTER (Numero ng Parte:HD-48497-A). Sundin ang mga tagubilin na kasama ng kasangkapan.
- I-flush ang brake system at palitan ang DOT 4 fluid kada dalawang taon o mas maaga pa kung makikita sa brake fluid test na may moisture content na 3% o mas mataas.
- Huwag magdagdag o mag-alis ng fluid mula sa brake system para makabawi sa normal na pagkaluma. Ang dami ng reservoir ay sapat upang magbigay ng fluid sa mga limitasyon ng pagkaluma ng mga pad at disc.
- Ang taas ng fluid sa reservoir ay mababawasan habang ginagamit at naluluma ang preno. Kung mababa ang dami ng fluid, suriin ang mga brake pad at disc para sa sa pagkaluma mula sa paggamit. Tingnan ang Pagpapanatili at Lubrikasyon → Siyasatin ang mga Brake Pad at Disc.
Suriin ang Taas ng Brake Fluid
- Itayo ang motorsiklo. Tiyakin na ang taas ng likido sa reservoir ay pantay. Tingnan ang Pagpapanatili at Lubrikasyon → Paghahanda ng Motorsiklo para sa Pagpapanatili.
- Harap: Tingnan ang Figure 1. Suriin ang taas sa reservoir sight glass sa harap. Dapat ay mas mataas ang sukat sa MIN.
- Likod: Tingnan ang Figure 2. Suriin ang taas sa gilid ng likurang reservoir ng preno. Dapat ay mas mataas ang sukat sa MIN.
Figure 1. Sight Glass ng Reservoir ng Master Cylinder sa Harap
Figure 2. MIN na Sukat ng Reserba ng Master Cylinder sa Likod
Pagpalit ng Brake Fluid
BABALAAng pagkakadikit sa DOT 4 break fluid ay maaaring magkaroon ng malubhang epekto sa kalusugan. Ang hindi pagsusuot ng tamang proteksyon sa balat at mata ay maaaring magresulta sa kamatayan o malubhang pinsala.
- Kapag nasinghot: Manatiling kalmado, umalis patungo sa sariwang hangin, humingi ng medikal na tulong.
- Kapag sa balat: Alisin ang mga kontaminadong damit. Banlawan agad ang balat gamit ang maraming tubig sa loob ng 15-20 minuto. Kapag nagkakaroon ng pagkairita, humingi ng medikal na tulong.
- Kapag sa mata: Hugasan ang mga apektadong mata nang hindi bababa sa 15 minuto sa ilalim ng dumadaloy na tubig habang nakabukas ang mga talukap ng mata. Kapag nagkakaroon ng pagkairita, humingi ng medikal na tulong.
- Kapag nalunok: Magmumog at pagkatapos ay uminom ng maraming tubig. Huwag piliting sumuka. Tawagan ang Poison Control. Kinakailangan ang agarang medikal na atensiyon.
- Tingnan ang Safety Data Sheet (SDS) para sa higit pang mga detalye na makukuha sa sds.harley-davidson.com
BABALAAng DOT 4 brake fluid ay nag-a-absorb ng moisture mula sa kapaligiran sa paglipas ng panahon, na bumabago sa mga katangian ng fluid. Suriin ang moisture content ng brake fluid sa bawat agwat ng pagpapaserbisyo o taun-taon (alinman ang mauna). I-flush at palitan ang brake fluid kada dalawang taon, o mas maaga kung ang moisture content ay 3% o higit pa. Ang kabiguang i-flush at palitan ang fluid ay maaaring makaapekto nang masama sa pagpepreno, na maaaring magresulta sa kamatayan o malubhang pinsala. (06304b)
PAUNAWA
Ang DOT 4 brake fluid ay makapipinsala sa pininturahan at mga ibabaw ng panel ng katawan kapag napadikit sa mga ito. Palaging gumamit ng pag-iingat at protektahan ang mga ibabaw mula sa mga pagtilamsik tuwing nag-aayos ng preno. Ang pagkabigong sundin ito ay maaaring magresulta sa pagkasirang kosmetiko. (00239c)
Upang matiyak na ang brake system ay gumagana ayon sa disenyo, suriin ang moisture content ng brake fluid sa bawat agwat ng pagpapaserbisyo o maski man lang kada taon gamit ang DOT 4 brake fluid moisture tester (part number HD-48497-A o katumbas) na sinusunod ang mga tagubilin na kasama ng kasangkapan. I-flush ang DOT 4 fluid kada 2 taon o mas maaga pa kung makikita sa brake system fluid test na mayroong moisture content na 3% o higit pa.
Inirerekomenda ng Harley-Davidson ang paggamit ng Harley-Davidson Platinum Label DOT 4 na Brake Fluid dahil sa higit na mahusay na katangian nito na pagpigil sa moisture at pangangalawang.