Tingnan ang Figure 1. Ipinapakita ng odometer ang kabuuang naipong mileage para sa motorsiklo. Pindutin ang trigger switch upang magpalipat-lipat sa iba't ibang function ng odometer. Maaaring maipakita ang oras (FLRT) at odometer habang nakapatay ang motorsiklo sa pamamagitan ng pagpindot sa trigger switch.

Pagpapalit ng mga unit (FLRT): Habang naka-display ang odometer, pindutin nang matagal ang trigger switch hanggang magbago ang mga unit sa MI o KM para sa mga motorsiklo nang walang audio system. Ipapakita ng lahat ng function ng odometer ang mga napiling unit.

Pagpapalit ng mga unit (FLHTCUTG): Baguhin ang mga setting sa radyo tungo sa ENGLISH UNITS o METRIC. Ipapakita ng lahat ng function ng odometer ang mga napiling yunit. Tingnan ang MANWAL NG MAY-ARI NG BOOM! BOX.

Ang dalawang odometer ng biyahe (A at B) ay nagpapakita ng kabuuang naipong milya mula noong ang mga ito ay huling na-reset. Upang tingnan, pindutin at bitawan ang trigger switch hanggang ipakita ang nais na odometer ng biyahe (A o B).

Pagre-reset: Habang ipinapakita ang gustong odometer ng biyahe (A o B), pindutin nang matagal ang trigger switch hanggang mag-reset tungo sa zero ang napiling odometer ng biyahe.

Ipinapakita ng display ng saklaw ng gasolina ang humigit-kumulang na mileage na magagamit sa dami ng gasolinang natitira sa fuel tank. Naa-update lamang ang display ng saklaw kapag umaandar ang sasakyan.

Ipakita ang Saklaw ng Gasolina: Habang ang switch ng ignisyon ay nasa posisyon na ACCESSORY o IGNITION, pindutin ang trigger switch hanggang sa ipakita ang saklaw ng gasolina. Ang saklaw ng gasolina ay ipinahihiwatig ng letrang "R" sa kaliwang bahagi ng display. Ipapakita ang nakalkulang natitirang distansya (milya o kilometro) hanggang sa maubos ang laman, batay sa dami ng gasolina sa tangke.

Mababang Gasolina: Ang saklaw ng gasolina ay awtomatikong ipinapakita sa window ng odometer kapag ang umiilaw ang lamp ng mababang gasolina. Kapag bumaba ang saklaw ng gasolina sa 10 milya o 10 kilometro ang natitira, magpapakita ang window ng odometer ng "LO RNG" upang ipahiwatig na ang motorsiklo ay halos wala nang gasolina. Magpakarga ng gasolina sa lalong madaling panahon. Sumangguni sa Mga Ispesipikasyon → Mga Ispesipikasyon → Mga Kapasidad.

Patayin ang Awtomatikong Popup hinggil sa Mababang Gasolina: Habang ipinapakita ang saklaw ng gasolina, pindutin nang matagal ang trigger switch hanggang sa kumislap nang dalawang beses ang saklaw ng gasolina. Upang muling paganahin ang feature na ito, pindutin nang matagal ang trigger switch hanggang sa kumislap nang isang ulit ang saklaw ng gasolina.

Pagre-reset: Ang pagre-reset ng ilaw ng babala hinggil sa mababang gasolina at saklaw ng gasolina ay nangangailangan ng sapat na gasolina sa tangke at pagbabago ng ikot ng ignisyon (IIGNITION-OFF-IGNITION).

Ang pagdagdag ng hindi bababa sa 7,6 L (2 USgal) ng gasolina ay magpapahintulot sa saklaw ng gasolina na mag-update. Ang saklaw ng gasolina ay dahan-dahan na nag-a-update sa susunod na 48 km (30 mi) pagkatapos ng pagpapagasolina.

Rekoneksyon at Pagpapasimula ng baterya: Kapag ang baterya ay nadiskonekta at muling ikokonekta, mangangailangan ang gauge ng humigit-kumulang kalahating tangke ng gasolina upang simulan ang functionality na saklaw ng gasolina.

Pindutin at bitawan ang trigger switch hanggang sa makita na ang digital na tachometer. Ang window ng odometer ay saglit na magpapakita ng "GEAR/RPM" na mensahe, pagkatapos ay ipapakita na ang kasalukuyang gear at bilis ng makina (pag-ikot kada minuto).

Tingnan ang Figure 2. Sa mga modelo ng FLRT, ang oras ay ipinapakita sa window ng odometer. Gawin ang mga sumusunod na hakbang upang i-configure ang oras.

Tingnan ang Figure 3. Kapag natumba ang motorsiklo, lalabas ang salitang "tIP"sa window ng odometer. Hindi aandar ang makina hangga’t hindi naire-reset ang kondisyon ng tip. Tingnan ang Pagpapatakbo → Pagpapaandar pagkatapos Matumba upang i-reset.

Kung ang motorsiklo ay may system ng seguridad at minaneho nang hindi dala ang fob, pansamantalang makikita ang “NO FOB” sa window ng odometer.

Kapag wala ang fob, mapapaandar lang ang motorsiklo sa pamamagitan ng mano-manong paglalagay ng PIN upang hindi paganahin ang system ng seguridad. Tingnan ang SISTEMA NG SEGURIDAD → Arming (Pagpapagana) at Disarming (Hindi Pagpapagana).