TALA
Ang ibang indicator lamp ay maaaring wala sa ibang modelo.
Check Engine Lamp
Kadalasang umiilaw ang check engine lamp kapag unang pinaandar ang motorsiklo. Sa panahong ito, magsasagawa ang engine management system ng serye ng self-diagnostics.
Kapag hindi namatay ang ilaw ng makina pagkatapos paandarin ang makina o kapag umilaw ito sa ibang pagkakataon, pumunta sa isang dealer ng Harley-Davidson.
Low Fuel Lamp (Ilaw ng Mababang Lebel ng Gasolina)
Kumikislap: Kapag patuloy na kumikislap ang ilaw ng kaunting gasolina, o kapag nanatili itong nakabukas pagkatapos kargahan ang tangke ng gasolina, pumunta sa isang dealer ng Harley-Davidson.
Security Lamp
Kumikislap: Aktibo ang system ng seguridad.
Solid (aktibo ang system ng seguridad): Naka-activate ang alarm.
Solid (di-aktibo ang system ng seguridad): Kapag nanatiling nakabukas ang ilaw, pumunta sa isang dealer ng Harley-Davidson.
Indicator ng Senyas ng Pagliko
Mabilis na pagkislap: May bumbilya ng senyas na hindi gumagana. Mag-ingat at sumenyas gamit ang mga kamay. Palitan ang mga bahaging hindi gumagana sa lalong madaling panahon.
Ilaw ng High Beam ng Headlamp
Kikislap ang headlamp high beam indicator lamp kapag naka-enable at naka-activate ang stealth mode.
Cruise Control Lamp
Kulay kahel: Naka-enable ang cruise control. Hindi naka-set ang bilis ng pag-cruise o kaya naka-disengage.
Berde: Naka-set ang bilis ng pag-cruise. Ang bilis ng motorsiklo ay napapanatili ng cruise control.
Gear Indicator
FLHTP: Tingnan ang
Pagpapatakbo → Mga Instrumento → Mga Instrumento at Indicator: FLHTP. Sa ibang kargadong modelo, ipinakikita sa window ng odometer ang kasalukuyang napiling gear (1-6). Ang gear indicator ay kinakalkula mula sa bilis ng sasakyan at bilis ng makina. Ang gear indicator ay mananatiling blangko kapag naka-nyutral ang transmisyon, nakapasok ang clutch lever o hindi gumagalaw ang sasakyan.
Maaaring pansamantalang hindi maging tumpak ang gear indicator depende sa paggamit sa clutch ng rider at sa pagkapudpod nito. Maaaring mangyari ito kapag nahahayaang dumulas ang clutch dahil sa labis na pagkaluma/pagkapudpod, maling pag-adjust ng clutch o kapag nakababad ang operator sa clutch.
ABS Lamp
BABALA
Kung patuloy na kumikislap ang ilaw ng ABS nang mas mabilis sa 5 km/h (3 mph) o nananatiling naka-on, hindi gumagana ang ABS. Gumagana ang standard na sistema ng preno, ngunit maaaring mag-lock up ang gulong. Makipag-ugnayan sa isang dealer ng Harley-Davidson para ipaayos ang ABS. Kapag nag-lock ang gulong, dudulas ito at maaaring maging sanhi ng pagkawala ng kontrol sa sasakyan, na maaaring magresulta sa kamatayan o malubhang pinsala. (00361b)
Solid o Hindi Kumikislap: Ang patuloy na pag-ilaw ng lamp ay nagpapahiwatig ng sirang ABS. Di-gumagana ang ABS at gumagana ang mga preno bilang mga prenong hindi ABS. Magpunta sa isang dealer ng Harley-Davidson para magpaserbisyo.
Oil Pressure Lamp (Ilaw ng Presyon ng Langis)
PAUNAWA
Kapag nananatiling nakailaw ang oil pressure indicator lamp, palaging suriin muna ang supply ng langis. Kung ang supply ng langis ay normal at ang lampara ay nakailaw pa rin, ihinto agad ang makina at huwag munang patakbuhin hanggang matukoy ang problema at maisagawa ang mga kinakailangang pag-aayos. Kapag hindi ito ginawa, maaari itong magresulta sa pagkasira ng makina. (00157a)
Kapag nakabukas ang ilaw habang tumatakbo ang makina, hindi sapat ang umiikot na langis sa makina.
Kapag hindi sapat ang antas ng langis sa makina at patuloy na naka-ilaw ang lamp, kaagad na patayin ang makina at tumungo sa dealer ng Harley-Davidson para magpaserbisyo.
Emergency Lamps Indicator
Berde: Naka-activate ang mga emergency lamp sa harap.
Kahel: Naka-activate ang mga emergency lamp sa likod.
Nagsasalitang Berde/Kahel: Naka-activate ang parehong emergency lamp sa harap at likod.