Kapag wala ang fob at naka-arm ang system, at ipinihit ang switch ng ignisyon sa IGNITION o ACCESSORY, mabilis na kikislap ang security lamp at magso-scroll ang "ENtER PIN” sa display ng odometer window. Hindi bubukas ang headlamp.

Pagkatapos ng humigit-kumulang 10 segundo, kapag hindi nakatanggap ang system ng input sa switch ng senyas ng pagliko sa kaliwa, magiging blangko ang display. Ang ignition system ay mananatiling naka-disable hangga’t wala ang fob o hindi ipinapasok ang kasalukuyang PIN.

Sa sandaling ma-arm ang system, kapag ang motorsiklo ay inilipat o inangat mula sa jiffy stand nito at wala sa malapit ang fob, babalaan ng alarm ang operator sa pamamagitan ng tatlong halinlinaang pagkislap ng mga senyas ng pagliko.

Sa loob ng apat na segundo, kapag ibinalik ang motorsiklo sa jiffy stand nito at walang natukoy na karagdagang paggalaw at/o inilagay sa OFF ang ignisyon, mananatiling naka-arm ang system nang hindi pinatutunog ang alarm.

Kapag patuloy na ginalaw ang motorsiklo, magbibigay ng pangalawang babala ang system pagkalipas ng apat na segundo matapos ang unang babala.

Kapag may nadedetekta pa ring paggalaw ang security system at/o hindi pa rin ibinabalik sa OFF ang ignisyon pagkatapos ng pangalawang babala, i-a-activate ng system ang alarm.

Kapag na-activate, halinhinang pakikislapin ng security system ang apat na senyas ng pagliko.

Tagal: Hihinto ang alarm sa loob ng 30 segundo at kapag walang natukoy na paggalaw, hindi na muling magsisimula ang alarm.

Gayunpaman, kung patuloy ang paggalaw ng motorsiklo, uulitin ng system ang 30 segundong alarm at muling titingnan kung mayroong paggalaw. Uulitin ng alarm ang 30 segundong cycle ng alarm nang limang minuto (10 cycle) o hanggang sa ma-deactivate ang alarm.