BABALAAng DOT 4 brake fluid ay nag-a-absorb ng moisture mula sa kapaligiran sa paglipas ng panahon, na bumabago sa mga katangian ng fluid. Suriin ang moisture content ng brake fluid sa bawat agwat ng pagpapaserbisyo o taun-taon (alinman ang mauna). I-flush at palitan ang brake fluid kada dalawang taon, o mas maaga kung ang moisture content ay 3% o higit pa. Ang kabiguang i-flush at palitan ang fluid ay maaaring makaapekto nang masama sa pagpepreno, na maaaring magresulta sa kamatayan o malubhang pinsala. (06304b)
Upang matiyak na ang sistema ng preno ay gumagana ayon sa pagkakadisenyo, suriin ang nilalamang kahalumigmigan ng brake fluid sa bawat pagitan ng pagseserbisyo o taun-taon man lang gamit ang DOT 4 na brake fluid moisture tester (piyesa bilang HD-48497-A o katumbas) habang sinusunod ang mga tagubiling kasama ng kasangkapan. Mag-flush ng DOT 4 fluid kada 2 taon o mas maaga kung ang brake system fluid test ay nagpapakita ng moisture content na 3% o higit pa.
Inirerekomenda ng Harley-Davidson ang paggamit ng Harley-Davidson Platinum Label DOT 4 Brake Fluid dahil sa higit na mahusay na katangian nito sa pagpigil ng moisture at pangangalawang.
Brake Fluid
BABALALinisin ang takip ng reservoir filler o takpan bago alisin. Gumamit lamang ng DOT 4 brake fluid mula sa isang selyadong lalagyan. Ang kontaminadong fluid ay maaaring makaapekto sa pagpepreno o pag-disengage ng clutch, na maaaring magresulta sa kamatayan o malubhang pinsala. (00504d)
BABALAAng pagkakadikit sa DOT 4 break fluid ay maaaring magkaroon ng malubhang epekto sa kalusugan. Ang hindi pagsusuot ng tamang proteksyon sa balat at mata ay maaaring magresulta sa kamatayan o malubhang pinsala.
- Kapag nasinghot: Manatiling kalmado, umalis patungo sa sariwang hangin, humingi ng medikal na tulong.
- Kapag sa balat: Alisin ang mga kontaminadong damit. Banlawan agad ang balat gamit ang maraming tubig sa loob ng 15-20 minuto. Kapag nagkakaroon ng pagkairita, humingi ng medikal na tulong.
- Kapag sa mata: Hugasan ang mga apektadong mata nang hindi bababa sa 15 minuto sa ilalim ng dumadaloy na tubig habang nakabukas ang mga talukap ng mata. Kapag nagkakaroon ng pagkairita, humingi ng medikal na tulong.
- Kapag nalunok: Magmumog at pagkatapos ay uminom ng maraming tubig. Huwag piliting sumuka. Tawagan ang Poison Control. Kinakailangan ang agarang medikal na atensiyon.
- Tingnan ang Safety Data Sheet (SDS) para sa higit pang mga detalye na makukuha sa sds.harley-davidson.com
PAUNAWA
Ang DOT 4 brake fluid ay makapipinsala sa pininturahan at mga ibabaw ng panel ng katawan kapag napadikit sa mga ito. Palaging gumamit ng pag-iingat at protektahan ang mga ibabaw mula sa mga pagtilamsik tuwing nag-aayos ng preno. Ang pagkabigong sundin ito ay maaaring magresulta sa pagkasirang kosmetiko. (00239c)
- Kung ang DOT 4 brake fluid ay dumampi sa mga pininturahang bahagi, KAAGAD na hugasan ang bahaging iyon gamit ang malinis na tubig.
PAUNAWA
Huwag pahintulutan ang mga dumi o mga labi na pumasok sa master cylinder reservoir. Ang dumi o mga labi sa reservoir ay maaaring maging sanhi ng hindi tamang paggana at pinsala sa kagamitan. (00205c)
TALA
- Kung hindi tumatagas ang brake system, walang pangangailangan na magdagdag ng fluid. Kung mababa ang antas ng fluid, malamang pudpod na ang mga pad. Sa pamamagitan ng pagpalit ng mga pad, babalik sa normal ang antas ng fluid.
- Gumamit lamang ng DOT 4 brake fluid at palitan ang brake fluid kada dalawang taon o mas maaga kung ang nilalamang halumigmig ay 3% o mas mataas. Magpunta sa isang dealer ng Harley-Davidson.
Siyasatin ang antas ng brake fluid at suriin ang mga brake pad at disc kung pudpod na ang mga ito sa mga tamang pagitan. Sumangguni sa Mga Pagitan ng Serbisyo at Rekord → Mga Tala ng Serbisyo
.
- Ilagay ang sasakyan sa isang patag na lugar.
- Preno sa harap: Ipantay ang master cylinder sa pamamagitan ng pagliko ng manibela at/o pagpapatayo nang diretso ng motorsiko (hindi nakasandal sa jiffy stand).
- Preno sa likod: Iposisyon ang motorsiklo nang sa gayon ay maging patag ang reservoir ng master cylinder.
- Tingnan ang Figure 1. Tingnan ang reservoir sight glass. Ang antas ng fluid ay dapat nasa o lampas sa pinakamababang marka sa salamin. Kung ang antas ng fluid ay mas mababa sa pinakamababang marka, magpunta sa dealer ng Harley-Davidson.
- Tiyakin na ang hand lever ng preno sa harap at foot pedal ng preno sa likod ay may makapit na pakiramdam kapag ginamit. Kung hindi makapit ang mga preno, dapat nang i-bleed o patagasin ang brake system hanggang masaid. Magpunta sa isang dealer ng Harley-Davidson.
| 1 | Master cylinder reservoir sa harap |
| 2 | Master cylinder reservoir sa likod |
Figure 1. Mga Minimum na Marka ng Sight Glass
Mga Brake Pad
BABALASiyasatin ang mga brake pad kung pudpod na ang mga ito sa mga agwat ng pagpapaserbisyo para sa pagpapanatili. Kung bumibiyahe ka sa ilalim ng masasamang kondisyon (matarik na burol, matinding trapiko, atbp.), mas madalas na suriin ang motorsiklo. Ang sobrang pudpod na brake pad ay maaaring humantong sa pagkasira ng preno, na maaaring magresulta sa kamatayan o malubhang pinsala. (00052a)
BABALAPalaging palitan ang kumpletong set ng mga brake pad para sa tama at ligtas na paggana ng preno. Ang maling paggana ng preno ay maaaring magresulta sa kamatayan o malubhang pinsala. (00111a)
BABALAAng mga preno ay kritikal na bahagi ng kaligtasan. Makipag-ugnayan sa isang dealer ng Harley-Davidson para magpaayos o magpapalit ng preno. Ang mga prenong hindi wastong inayos ay pwedeng masamang makaapekto sa pagganap ng preno, na maaaring magresulta sa kamatayan o malubhang pinsala. (00054a)
BABALAMagsagawa ng regular na naka-iskedyul na pagpapanatili ng preno. Ang kakulangan sa pagpapanatili sa mga inirerekomendang agwat ay maaaring makaapekto sa paggana ng preno, na maaaring magresulta sa kamatayan o malubhang pinsala. (00055a)
BABALATiyaking nakahanay ang gulong at brake caliper. Ang pagsakay nang may hindi nakahanay na gulong o brake caliper ay maaaring maging sanhi para dumikit ang brake disc at humantong pagkawala ng kontrol, na maaaring magresulta sa kamatayan o malubhang pinsala. (00050a)
Ginamitan ng Harley-Davidson ang iyong bagong motorsiklo ng pinakamainam na friction material ng brake pad. Pinili ito upang magbigay ng pinakamahusay na pagganap na maaari sa ilalim ng mga kalagayan ng temperaturang tuyo, basa, at sa panahon ng matinding pagpapatakbo. Hinihigitan nito ang lahat ng iniaatas ng mga regulasyon na kasalukuyang ipinatutupad. Gayunpaman, sa ilang kondisyon ng pagpepreno, maaari kang makarinig ng ingay ng preno. Normal ito para sa ganitong friction material.
Talahanayan 1. Minimum na Kapal ng Friction Material ng Brake Pad
in | mm |
|---|---|
0.016 | 0.4 |
- Tingnan ang Figure 2. Suriin ang disc ng preno habang umiikot ito. Dapat gumana tulad ng inaasahan ang disc sa caliper ng preno.
- Sukatin ang kapal ng friction material ng brake pad. Hindi kinakailangang pantay na mapudpod ang mga pad. Suriin ang bawat pad. Ang mga groove/uka sa brake pad ay hindi na makikita kapag malapit nang mapudpod ang mga ito.
- Palitan ang mga brake pad bago umabot sa pinakamanipis na kapal ang materyal na pang-friction. Palaging magkapares na palitan ang mga brake pad. Magpunta sa isang dealer ng Harley-Davidson. Sumangguni sa Talahanayan 1.
| 1 | Preno sa Harap (tulad ng makikita mula sa harap ng sasakyan) |
| 2 | Preno sa Likod (tulad ng makikita mula sa likod ng sasakyan) |
| 3 | Kapal ng friction material ng brake pad |
| 4 | Mga groove/uka ng brake pad |
Figure 2. Friction Material ng Brake Pad